ki tji toghzor lel 3alem mel owel t9oul ti haw koll chay sehel, bolden met9addma, bolden metkhallfa ou w7oud kifna a7na jew bin el binin.

ama ki tji tkhammem chwaya t9oul yekhi 3lech el bolden el metkhallfin metkhallfin? ou 3lech el met9addmin met9addmin..



aya tkhaylou ken jet tounes dawla met9addma, 7asseb raykom chna3mlou?? nebdew n3awnou fel douwal lkoll ou n7ebbouhom ywalliw kifna?? ma netsawwarch.. walla nebdew n7ebbou yjiw 3bed y9oulou lé rahou a7na khir walla a7na a9wa..maw ken ennajmou nkassrouhom, bech nebdew a7na el a9wa..yekhi c'est normal ndef3ou 3la bledna ou tha9afetna

ken tchoufou tawa chnowa sayer fel 3alem, nafs l'7keya sayra, douwal 9weya ou t7ebb to93od 9weya, ou 3and-ha el 7a99, rahom ydef3ou 3la 7adharet-hom. donc lezem nefhmou elli mahich frança walla amarikya walla ay dawla okhra elli bech tji t3awenna walla t9ollna 7aja s7i7a bech a7na n9addmou.. lezemna n3ammlou 3la rwe7na, ma 3anna ken tounes rahou.t9oul enti 3la chnowa ydef3ou houma, 3la flouss?? s7i7 ydef3ou 3la flousshom ou affareyet-hom ama akther men hedha ydef3ou 3la tha9afet-hom, 7adharet-hom, khater a7na n7ebbou walla nakrhou, 9a3din n3ichou fel 7adhara mte3hom ou ta7t saytret-hom.9al chnowa 9al oumam motta7da ou 9awanin douwaleya. brabbi chkoun 3malhom el 9awanin eddawleya? chkoun 3mal el 2oumam el motta7da? chkoun 3mal el "systéme" elli 3aychin fih a7na tawa?? chkoun 3mal el bounouk wel flous wel banque mondiale wel FMI?? chkoun 3mal el dimo9rateya wel 9awanin wel 7orreyet ou 7ou9ou9 el 2ensen!! a7na??yekdheb 3lik elli y9ollek rana sehemna ou 3malna ou sa77a7na fi mou3ahdet douwaleya ti sa77a7na b'essif men 3lina, mou3ahadat 7ou9ou9 el inesen ou non proliferation atomique ou ma na3rafch chnowa lekher.hedha lkoll a7na khtarneh??ti hedha lkoll bneweh houma fi 2 walla 3 9ouroun 3amlou el 3alem moderne elli 3aychin fih a7na tawa. ou a7na lezemna ntabb3ou, ma n9oulouch chbi hedhi hakka walla chbi hedhi mech hakka. yekhi brabbi chneya el dimo9rateya ou chnouma 7oU9ou9 el insen?? ma 9oltech rahou mech behia el dimo9rateya walla 7ou9ou9 el insen, ama yekhi za3ma ma famma ken el systéme hedha?? ma famma dimo9rateya ou 7ou9ou9 kina kima y7ebbouhom houma. ama rodd belek t9oul 7aja, direct ydourou 3lik fi enti dhedd 7ou9ou9 el insen ou enti terroriste, lin tkhabbi rassek ou toskot. tawa brabbi iran ch3amlet trah? khater mahich mwef9a m3ahom chouf ch3amloulha.behi taw we7ed y9oul 3lech y7ebbouna ntabb3ou ou nosktou??esse3a awel 7aja c'est que mademna ntabb3ou ma ennajmouch nfoutouhom, ma ennajmouch na3mlou khir menhom. ou c'est normal, yekhi ki enti ta3mel 7aja behia t7ebb chkoun yji ytaya7 3lik?ou zid houma melkin el 3alem lkollou 9al chnowa 9al a7na elli jebna el 3elm ou 7orreyet l'ennes lkoll. donc 3and-hom el 7a99 ya3mlou elli y7ebbou. En plus tkhayel el flouss elli 9a3din yerb7ou fihom, ybi3oulna fi koll chay rahou, yjikyrakkablek elli el 7aja hedhi lezmettek wenti tmout blech biha, alors que enti kont 3ayech blech ou merte7. yjik howa ybi3-helek b'essif men 3lik : coca malbourou... y7abbek fi el ghné mte3ou, fel cinema mte3ou, fi kifech yelbes, kifech yetkallem, koll chay, hedha lkoll bech ysayter 3lik ou ybi3lek elli y7ebb.donc ma yse3douch howa t7awel tohrob enti ou ma 3adech techri men 3andou walla t7awel ta3mallou concurrence.behi tawa ija nchoufou 3lech el chou3oub el metkhaffla metkhallfa. nekhdhou exemple sehel ifri9ya. yodh-horlek normal 9arra kemla 3aycha fel fa9r wel mizirya?? za3ma hedha lkoll zhar?? walla chnowa??lé lé lé!! mahouch zhar (ou mahouch 3atrcheya), haw bech nfassarlek. jew nhar les européen el efri9ya, l9awha mazzelet dekhla b3adh-ha ou ma fihech nidham, 9alou aya ta3ref kifech haw taw na9smouha bin b3adhna ou to93od dima mte3na. 7atta nharet elli wfé el i7tilel ou kharjou el francis ou l'angliz ou lokhrin lkoll, ma 7abbouch ysaybouha. yekhi tal9a kenz ou ettaychou?? juste baddlou el systéme, wallew mo7tallin-hom ou houma mech fey9in, ybi3ou fel sle7 ou ya3mlou fel 7ouroub bin ennes lkoll ou houma yerb7ou fel flouss yekhdhou fel les ressources blech.9oul enti hedha lkoll lokhrin bheyem, ma fehmouch el la3ba?? bah sehel barcha, tkhayel ken tounes fi blasset ma ya3mlouha 7oudoud-ha hakka, 3amlouha 7oudoud-ha toussel 7atta l'en-niger. rana 93adna net3arkou m3a lokhrin ou koll we7ed y9oul hedhi bledi. houma les européen hedheka ech 3amlou fi ifri9ya. 9assmou el bolden menghir ma ychoufou chkoun elli kif b3adh-hom walla chkoun elli yetfehmou. ou mba33ed khallewhom yeklou fi b3adh-hom. ou yjiw les européen tawa y9ollek oh l'afrique mtekhallfa barcha haw taw n3awnouha ou haw taw na3mloulha. za3ma za3ma a7na rana behin ou houma 7ayawanet yo9tlou fi b3adh-homlé lé lémech hakkeka. les occidentaux 7asbinha ou yal3bou bina la3b wa7na netfarrjou.

wa9tech bech nfi9ou 3la rwe7na?? ou surtout kifech bech nfi9ou??